Dunyo bo‘ylab 2022-yilda mehnat migrantlari tomonidan 794 mlrd dollarlik pul o‘tkazmalari yuborilgan. Bu haqda Visual Capitalist nashridan ma’lum bo‘ldi.
Mazkur ko‘rsatkich 2021-yilga nisbatan 13 mlrd dollarga ko‘paygan.
Mamlakatlar tomonidan qabul qilingan pul o‘tkazmalari oqimi 2020-yilda pandemiya sabab global miqyosda 1,5 foizga qisqarib, 711 milliard dollarni tashkil etgandi. Ammo keyingi ikki yil ichida vaziyat tezda o‘nglandi.
Vizalarni tasdiqlash qayta boshlanishi va xalqaro chegaralar ochilishi bilan migratsiya va global pul o‘tkazmalari oqimi ham o‘sdi.
2021-yilda global pul o‘tkazmalarining umumiy hajmi 781 milliard dollarga baholangan va 2022-yilda 794 milliard dollargacha yuqoriladi.
So‘nggi 15 yil davomida Hindiston doimiy ravishda eng yirik pul o‘tkazmalarini qabul qilib oluvchi davlatlar orasida birinchi o‘rinda turadi. 2022-yilda mamlakatdagi oilalarga migrantlar tomonidan yuborilgan 100 mlrd dollar miqdorida pul o‘tkazmalari kelib tushgan.
-1.jpg)
O‘tgan yili mehnat muhojirlari tomonidan O‘zbekistonga 13,5 mlrd dollar pul o‘tkazmalari amalga oshirilgan. Mamlakat bu borada Markaziy Osiyoda mutlaq yetakchi va dunyoda 15-o‘rinda. 13,5 mlrd dollar — qolgan beshta davlatga yuborilgan pul o‘tkazmalaridan ham ko‘proq.
Yil davomida tojikistonlik migrantlar o‘z oilalariga 3,2 mlrd dollar pul yuborgan bo‘lsa, qirg‘izistonliklarda bu ko‘rsatkich 3,1 mlrd dollarni tashkil qiladi.
Mehnat migrantlari tomonidan Qozog‘iztonga 2022-yilda 370 mln dollar yuborilgan, Turkmanistonga esa atigi 1 mln dollar.
Izoh (1)
Узимизни узимиз бокаеёткан эканмизда