Ijtimoiy tarmoqlarda Nukusda ikki nafar bola Hot Lunch’dan zaharlangani haqidagi xabar tarqaldi. Qoraqalpog‘iston Sog‘liqni saqlash vazirligi ikki nafar bola kasalxonaga olib kelinganini O‘zAga tasdiqladi.
“Darhaqiqat, ikki nafar bola kasalxonaga olib kelingan. Bir nafarining ahvoli og‘ir bo‘lgani tufayli vafot etgan, bir nafarining sog‘lig‘i yaxshi. Ammo ularni aynan Hot Lunch’dan zaharlangan deb aytishga erta. Hozirda tibbiy tekshiruv ishlari olib borilmoqda. Tibbiy ekspertiza xulosasi bilan bunga aniqlik kiritiladi”, — deb bildirgan vazirlik matbuot xizmati.
Izoh (0)