Karlo Anchelotti: “Barselona”dan 5 ochko ortdamiz, biroq oldinda hali uzoq yo‘l bor 

“Real” bosh murabbiyi Karlo Anchelotti Ispaniya chempionatining 19-turida “Real Sosyedad” bilan qayd etilgan durang natija haqida o‘z fikrlarini bildirdi.

“Yaxshi o‘yin ko‘rsatdik va g‘alabaga loyiq edik. Jamoa yaxshilanmoqda va o‘smoqda. To‘p bilan ham to‘psiz ham ajoyib o‘ynadik, biroq golga yaqin kelsak-da, uni ura olmadik. Durang natija meni qoniqtiradi, chunki jamoa yaxshi o‘ynadi.

90 daqiqa davomida katta ko‘lamdagi ishni bajardik. Payshanba kungi o‘yindagi qo‘shimcha bo‘limlar (‘Atletiko’ga qarshi Ispaniya Kubogi doirasidagi bahs), menimcha, ta’sir o‘tkazmadi, o‘yin oxiriga qadar yaxshi o‘ynadik. 

‘Barselona’dan 5 ochko ortda qolyapmiz, ular o‘zini yaxshi tomonlama ko‘rsatmoqda. Lekin oldinda juda uzoq yo‘l turibdi. Biz oxirigacha kurashamiz”, — deydi italiyalik mutaxassis.

“Barselona” 18 turdan so‘ng 47 ochko bilan musobaqa jadvalida birinchi o‘rinda bormoqda. Madridliklar esa 42 ochko bilan 2-pog‘onani band etgan.