Film suratga olish jarayonida hammasini mukammal qilish va hatto ketma-ket ko‘p marta dubl olish mumkin emas. Ba’zida aktyorlar bir xil sahnani o‘nlab marta takrorlashlari kerak! Ammo ba’zida o‘xshamagan kadr, improvizatsiya, yiqilish yoki “qo‘shimcha” iboralar filmda kult klassikaga aylanadi. Chunki o‘sha paytda ular kerakli vaqtda va kerakli joyda aytiladi.
“Uzuklar hukmdori: Ikki qal’a” va Viggo Mortensenning singan barmoqlari
Ushbu serialdagi Viggo Mortensen bir necha bor qiyin vaziyatga tushib qolgan. Shunday qilib, epizodlardan birini suratga olish paytida aktyor orkning og‘ir dubulg‘asini tepishi kerak edi. Viggo uni haddan tashqari qattiq tepganki, aktyorning barmoqlari sinadi. Albatta, Viggo og‘riqdan qichqiradi, lekin qattiq og‘riqlarga qaramay, u o‘ynashda davom etadi! Rejissor Piter Jekson ushbu epizod va Mortensenning jasoratidan shunchalik ta'sirlanganki, u trilogiyaga aynan shu kadrni kiritadi.
“Ajdaho uyi” va shafqatsiz shahzodaning xayrli ishi
“Ajdaho uyi” serialida ssenariyda bo‘lmagan epizod bor, uni shahzoda Deymon rolini ijro etgan Mett Smit to‘g‘ridan to‘g‘ri suratga olish maydonchasida o‘ylab topadi. Peddi Konsidin (shahzodaning akasi qirol Viseris rolini ijro etgan aktyor) mavsumning 8-qismida taxt tomon ketayotganda, boshidan toji tushib ketadi. Ammo aktyorni hech kim to‘xtatmagani uchun u Temir taxt tomon qadam tashlashda davom etadi. Shu payt yonida kelayotgan Mett Smit tojni ko‘tarib, Peddining boshiga kiydiradi. Ular sahnani yakunlab, uni ssenariyga kiritishga qaror qilishadi, bu kadr shahzoda Deymonning shaxsiyatini va uning akasi bilan haqiqiy munosabatini tavsiflab beradi.
“Tungi kovboy”: “Hoy, ko‘rmayapsanmi, men kelyapman!”
Jo va Rizzoni tom ma’noda taksi bosib ketay degan ajoyib sahna ssenariyda yo‘q edi. Ammo film real sharoitda suratga olingani uchun hayotning o‘zi epizodga aralashadi. Qahramonlar Nyu-York ko‘chasini kesib o‘tayotganda mashina aktyorlarni bosib ketay deydi. Dastin Xoffman obrazidan chiqmagan holdan haydovchiga: “Ko‘rmayapsanmi, men kelyapman-ku!” deydi va kafti bilan kapotga uradi. U o‘zini shu qadar tabiiy tutadiki, bu epizod filmda qoldiriladi.
“Rokki” va apelsin
“Rokki” filmi kichik budjetga ega edi, shuning uchun ba’zi sahnalar real sharoitda suratga olinishi kerak edi. Shunday qilib, ertalabki yugurish sahnasida aktyor Silvestr Stallone haqiqiy bozordan yugurib o‘tadi. Suratga olish vaqtida apelsin sotuvchisi aktyorga meva bermoqchi bo‘lib, Stallonega apelsin otadi — Silvestr uni ushlab oladi. Sahna juda organik bo‘lib chiqadi va filmga kiritiladi.
“Dautfayr xonim” va shakarli krem
Bu dubl tasodifan Robin Uilyamsning qahramoni tortga yuztuban “yiqilgan” paytda paydo bo‘ladi. Aktyor chaqirilmagan mehmonga bir piyola choy olib kelganida iyagidagi krem piyola ichiga tushadi. Albatta, bunday holat ssenariyda yozilmagan, ammo Uilyams o‘zini yo;qotib qo‘ymaydi: “Mana, shakarli qaymoq ham keldi”. Bu shunchalik kulgili ediki, filmdagi muvaffaqiyatsiz kadr qoldiriladi.
“Lemoni Snikket: 33 baxtsizlik” — Jim Kerri “obrazda”
Jim Kerrining ijrosi — alohida mavzu. Bolalarning graf Olaf bilan tanishishayotgan epizodda Jim Kerri: “Oh, nihoyatda achinarli” deydi. Ammo keyin aktyor to‘satdan “To‘xtang” deb, qarsak chaladi va bu jumlani qayta aytishini e’lon qiladi. Aktyor haqiqatan ham shu kadrni takrorlamoqchi edi. Ammo bu lahza vaziyatga shunchalik mos tushadiki, rejissor filmdan hech narsani kesib tashlamaslikka qaror qiladi.
Izoh (0)