Donald Tramp AQSH prezidentligi uchun saylovoldi kampaniyasini boshladi

AQSH sobiq prezidenti Donald Tramp yana prezidentlikka nomzodini qo‘yish uchun saylovoldi kampaniyasini boshladi. U Nyu-Xempshir va Janubiy Karolinada tarafdorlari bilan uchrashuvlar o‘tkazdi, deb xabar bermoqda CNBC.

Tadbirlar Tramp ilgari o‘tkazgan shovqin-so‘ronli mitinglardan farq qiladi, deb ta’kidlaydi telekanal. Xususan, Kolumbiya shahrida (Janubiy Karolina) Tramp atigi 200 kishi bilan gaplashgan.

“Hozir men avvalgidanda darg‘azabdman, har qachongidan ko‘proq maqsadimda qat’iyman”, — dedi Tramp Nyu-Xempshirdagi Respublikachilar partiyasining yillik yig‘ilishida.

2022-yilning noyabr oyida Tramp 2024-yilda bo‘lib o‘tadigan prezidentlik saylovlarida qatnashish niyati borligini ma’lum qilgandi. Tramp vakillari ovoz berishda ishtirok etish uchun Federal saylov komissiyasiga hujjatlarni taqdim etdi.

Donald Tramp 2017-yildan 2020-yilgacha AQSH prezidenti bo‘lgan. 2020-yilda u Amerikaning amaldagi yetakchisi Jo Baydenga saylovda yutqazgan. Bayden 2024-yilgi saylovda qatnashish qarorini hali rasman e’lon qilgani yo‘q.