O‘zbekistonda oilaviy tadbirkorlikni moliyalashtirishga 300 mln dollar ajratiladi

“Oilaviy tadbirkorlikni rivojlantirish dasturlarini qoʻllab-quvvatlash boʻyicha qoʻshimcha chora-tadbirlar toʻgʻrisida”gi prezident qarori imzolandi.

Hujjatga muvofiq, 2023-yilda oilaviy tadbirkorlikni rivojlantirish loyihalarini moliyalashtirish uchun Tiklanish va taraqqiyot jamgʻarmasidan “Agrobank” ATB, “Mikrokreditbank” ATB va AT Xalq bankiga 300 million AQSH dollari miqdoridagi mablagʻlar 3 yillik imtiyozli davr bilan 7 yil muddatga 10 foiz stavkada ajratiladi.

Bu oilaviy tadbirkorlikni rivojlantirish dasturlari doirasida aholining bandligi va daromad manbalarini oshirishga doir mehnat faoliyatini qoʻllab-quvvatlash choralarini yanada kengaytirish maqsadida amalga oshiriladi.

Hujjat 26-yanvardan boshlab kuchga kirgan.