Ozarbayjon prezidenti Ilhom Aliyev Birlashgan Millatlar Tashkilotini isloh qilish, xususan, Xavfsizlik Kengashi tarkibini kengaytirish zarur, deb hisoblamoqda. Uning fikricha, kengash tarkibidan islom davlatlari va Harbiy bloklarga qo‘shilmagan harakat mamlakatlari uchun doimiy o‘rinlar ajratilishi kerak.
Aliyev 29-yanvar kuni Misr prezidenti Abdul-Fattoh as-Sisi bilan Bokuda boʻlib oʻtgan muzokaralar yakunlari boʻyicha qoʻshma bayonot berib, BMT islohoti mavzusiga toʻxtaldi.
“Islom hamkorlik tashkiloti a’zolariga bitta doimiy oʻrin berilishi kerak va tashkilot maslahatlashuvlar asosida bu o‘ringa oʻz nomzodini koʻrsatishi lozim. BMT Xavfsizlik kengashiga yana bir doimiy aʼzolik Harbiy bloklarga qoʻshilmaydigan harakat mamlakatlaridan biriga, ushbu harakatga raislik qilayotgan davlatga berilishi kerak. Menimcha, shunda adolatli bo‘lardi”, — dedi Aliyev.
Ozarbayjon prezidentining qo‘shimcha qilishicha, bu islohotlar dunyoni yanada xavfsiz va adolatli qilib shakllantiradi.
Izoh (0)