Xorazmda Nexia-3 zovurga tushib ketdi

28-yanvar kuni Xorazm viloyati Urganch shahrida Nexia zovurga tushib ketdi. Bu haqda Favqulodda vaziyatlar vazirligi xabar qildi.

Qayd etilishicha, shu kuni soat 08:23 da Xorazm viloyati FVBga Nexia-3 avtomobili haydovchisi ehtiyotsizlik oqibatida boshqaruvni yo‘qotib, Urganch shahar Navro‘z shaharchasidan oqib o‘tuvchi zovurga tushib ketgani to‘g‘risida xabar tushgan.

Aytilgan manzilga zudlik bilan FVV qutqaruvchilari yetib borib, maxsus texnika va asbob-anjomlar yordamida avtomobillarni zovurdan olib chiqdi.