Fransiyalik mutaxassis yana bir bor “Real”ni boshqarishi mumkin.
The Athletic nashrining xabariga ko‘ra, Zidan nafaqat Fransiya terma jamoasi, balki, “Real”, “Yuventus” va “Marsel” jamoalari bilan muzokaralar o‘tkazishga ochiq.
Fransuzning “Real”ga qaytishi uchun sharoitlarni to‘g‘rilash kerak bo‘ladi. Qolaversa, Madrid klubi prezidenti Florentino Peres ham yon bosishi kerak bo‘ladi.
Agar klub muvaffaqiyatga erishsa va sovrinlar uchun kurashishga tayyor bo‘lsa, Zidan “Marsel”ni ham boshqarishga tayyor.
Zinedin bir necha bor “PSJ”ning taklifini rad etdi. 2022-yil yozida uning parijliklar bilan ishlashdan bosh tortishiga Fransiya terma jamoasini boshqarish imkoniga ega bo‘lgani ta’sir ko‘rsatgan. Ammo ta’kidlanganidek, Zidan “Marsel”ga bo‘lgan hurmati yuzasidan “PSJ” boshqaruviga o‘tmaydi.
Qayd etib o‘tish joiz, Zidan Marselda tavallud topgan va faoliyati davomida “Kan”, “Bordo”, “Yuventus” va “Real”da to‘p surgan.
Fransiyalik mutaxassis 2021-yil may oyida “Madrid” klubi boshqaruvidan ketganidan so‘ng hozirchaga birorta klubda ish boshlagani yo‘q. U “Real”da ikki marta ishlagan — 2016-yildan 2018-yilga qadar va 2019-yildan 2021-yilga qadar. Zidan qo‘l ostida “qaymoqranglilar” uch marta Chempionlar Ligasida, ikki martadan La Ligada, UEFA Superkubogida, Ispaniya Superkubogi va klublar o‘rtasidagi Jahon chempionatida zafar quchgan.
Izoh (0)