Ko‘plab muxlislarning aytishicha, Esha Deol kino olamga faqat ota-onasi — afsonaviy hind aktyorlari Dharmendra va Hema Malini tufayli kirib kelgan. Aktrisaning bolaligida hayotida orzu qiladigan hamma narsasi bor edi.
Bollivud yulduzlarining farzandi Esha Deol 1981-yilning 2-noyabrida tug‘ilgan. Bo‘lajak aktrisa yoshligidan klassik raqsni o‘rgangan va yigirma yoshida u oilaviy an’anani davom ettirib, aktrisa bo‘lishni xohlagan. U ilk debyutini 2002-yilda hind aktyori Aftab Shivdasani bilan “Kim yuragimni so‘raydi?”nomli romantik trillerida ijro etdi.
Film butunlay muvaffaqiyatsizlikka uchradi. Uning ishtirokidagi keyingi kinokartinalar ham: “Sen ham, men ham”, “Yurak nima taklif qiladi”, “Biror narsa ayt”, “Menga ishon”, “Odamlar tashvishi” ham tomoshabinlarning e’tiboriga sazovor bo‘lmadi.
Aktrisaning chiroyli tashqi ko‘rinishi bor edi va u debyuti uchun Filmfare mukofotini qo‘lga kiritdi, biroq u onasi kabi jo‘shqinlikka ega emas edi. O‘sha paytda ko‘plab tanqidchilar agar Esha mashhur oilada tug‘ilmaganida edi, unga shunchalik e’tibor qaratilishi qiyin bo‘lishi haqida yozdi.
Filmlaridagi muvaffaqiyatsizliklarga qaramay, u yiliga uchta relizda suratga tushishni davom ettirdi va 2006-yilda 6 ta loyihada rol o‘ynashga muvaffaq bo‘ldi. Aktrisani doim onasi bilan solishtirishdi va tanqid qilishdi, chunki Hema Malini darajasiga erishish oson emas. Esha zarbalarga bardosh berdi.
Aktrisa bu haqda: “Men bolaligimdan aktyorlikka qiziqaman, lekin bu kasb haqida ko‘p narsa bilmayman. O‘rganishim kerak bo‘lgan ko‘p narsa bor. O‘zimni bu kasbning uddasidan chiqa olmaganday his qilgan paytlarim bo‘lgan. Biroq men o‘zimni ijobiy tomonga o‘zgartirdim. Bollivudga qo‘shilish — mening qarorim, shuning uchun sinab ko‘rishim kerak”, — deb munosabat bildirgan.
Oradan bir necha yil o‘tgach aktrisa ishtirokidagi filmlarga bo‘lgan munosabat yaxshi tomonga o‘zgardi. Keyinchalik Esha Bollivud yulduzlari ishtirokidagi loyihalarda suratga tushishni afzal ko‘rdi. U Mani Ratnamning “Yoshlik” nomli tamil tilidagi siyosiy dramasida va uning “Taqdir chorrahasida” hindcha remeykida rol o‘ynadi.
U “Velosipedchilar” franshizasining birinchi qismida suratga tushdi va 2005-yilda mashhur bo‘lgan “Muammolar bo‘ronida” komediyasida rol o‘ynadi.
Esha Deol 2007-yilda Cineblitz bilan suhbatda: “Mashhur insonlarning farzandi bo‘lish juda qiyin. ‘Baykerlar’ filmida suratga tushayotganimda, agar film muvaffaqiyatsizlikka uchrasa, sumkalarimni yig‘ib, Bollivudni tark etaman, deb qaror qilgan edim. Yaxshiyamki, film xit darajasiga chiqdi”, — deb fikr bildirgan.
Shunga qaramay, go‘zal Esha tomoshabinlar qalbidan joy olgan yosh va iste’dodli aktrisalar: Aisha Takiya, Kangana Ranaut, Katrina Kaif, Dipika Padukone, Anushka Sharma bilan raqobatga dosh bera olmadi. Bu aktrisalar ko‘proq maqsadga ega edi, Esha esa shon-shuhrat masalasida xotirjam va hech qachon birinchi o‘ringa intilmasdi.
Aktrisaning shaxsiy munosabatlari haqidagi birinchi mish-mishlar aktyor Aftab Shivdasani bilan bo‘ldi. Juftlik bir-biriga ko‘ngil qo‘ydi, ammo Eshaning onasi Xema Malini uning his-tuyg‘ularini so‘ndirdi. Bollivud yulduzi Aftabning sevimli qiziga teng kelmasligiga ishondi.
Oilasining bosimi ostida qolgan Esha va Aftab ajralishdi. Oradan vaqt o‘tib Aftab Nin Dusanj ismli qizga uylandi, Esha esa tadbirkor Bharat Taxtani bilan oila qurdi.
Keyinchalik ommaviy axborot vositalarida Bharat va Esha bir-birlarini bolaligidan bilishlari, Bharat boshlang‘ich maktabda o‘qib yurgan paytlarida aktrisani sevib qolgani, 30 yoshgacha aktrisaning e’tibor berishini kutganligi haqida ajoyib ma’lumotlar paydo bo‘la boshladi.
Jurnalistlarning so‘zlariga ko‘ra, Bharat Eshaga sodiq bo‘lgan, sevgilisining hayotidan xabardor bo‘lish uchun uning singlisi Ahana bilan munosabatda bo‘lib, aktrisaga erishishga umid qilgan. Kunlarning birida Esha suratga olish jarayonlaridan ta’til olib, Niagara sharsharasiga dam olishga boradi. Bharat esa aktrisani o‘sha yerda qarshi olib, unga sevgi izhor qiladi. Esha bu taklifga darrov rozi bo‘lgan va shundan keyin juftlik turmush qurishdi.
Aktrisaning turmush o‘rtog‘i o‘zining katta oilasidagi hayotga yaxshi moslashgan Eshani maqtadi. Katta oilada barcha oila a’zolari: ota- ona, xolalar, amakilar, aka-ukalar, jiyanlar birga yashaydi.
Bharat bilan nafaqat uning ota-onasi, balki yettita amakivachchasi, ularning rafiqalari va bolalari ham birga yashagan. Darhaqiqat, Hema Malinining kuyovi qandaydir yosh aktyor emas, balki tadbirkor va millionerning o‘g‘li va shuningdek, Eshaga qulay hayotni ta’minlay oladigan inson edi.
Juftlikning to‘yi 2012-yilda bo‘lib o‘tdi. Shundan keyin Bharat biznes bilan shug‘ullandi, Esha esa 2015-yilda shou-biznesga qaytib, mashhur “Yo‘llar” teleko‘rsatuvining boshlovchisi bo‘ldi.
Esha Deol 2017-yilning oktabr oyida Radya ismli qizni, 2019-yilning yozida ikkinchi qizi Mirayani dunyoga keltirdi. Pandemiya boshlanganda Esha o‘zining “Amma Mia: onadan onaga hikoyalar, maslahatlar va retseptlar” kitobini yozdi.
.jpg)
Aktrisa haqiqatan ham katta ekranlarga qaytishni xohlaydi, ammo hozircha u faqat kichik ekranlarga chiqdi.
Esha 2022-yilda Ajay Devgan partnyorligidagi olti qismli “Rudra: Zulmat chekkasida” nomli veb-serialida debyut qildi. U hozirda “Ko‘rinmas ayol” yangi veb-loyihasining suratga olish jarayonlariga tayyorlanmoqda.
Izoh (0)