Angliya Premyer Ligasi klublari qishki transfer oynasida pul sarflash bo‘yicha rekordni yangiladi.
Deloitte auditorlik kompaniyasi izlanishlariga ko‘ra, APL klublari yanvar oyida 440 million funt ishlatdi. Avvalgi rekord 2018-yilda qayd etilgan va unda ingliz jamoalari qishki transfer oynasida 430 million funt sarflagan.
Qishki transfer oynasida Londonning “Chelsi” klubi eng ko‘p xarajat qilgan. “Aristokratlar” jami 180 million funt sarflagan. Ushbu transfer oynasida londonliklar Mixaylo Mudrik, Benua Badyashil, Noni Madueke, Andrey Santos, David Fofanani xarid qilgan bo‘lsa, Joau Feliksni ijaraga olib keldi.
Izoh (0)