Tata Steel Chess 2023. Nodirbek Abdusattorov 9-turda germaniyalik raqibini yenga olmadi. Javohir Sindorovda g‘alaba

Shaxmat bo‘yicha Niderlandiyada Tata Steel Chess 2023 musobaqasi davom etmoqda.

Musobaqaning 24-yanvar kungi o‘yinlarida Masters bosqichida ishtirok etayotgan Nodirbek Abdusattorov germaniyalik Vinsent Keymerga qarshi dona surib, durang o‘ynadi.

9 turda 6,5 ochko jamg‘argan Nodirbek yakka peshqadam bo‘lib turibdi. 

“Chellenjer” guruhida Javohir Sindorov navbatdagi g‘alabasini tantana qildi. Bu gal Sindorov amerikalik Abximanyu Mishrani taslim etdi. Ushbu g‘alabadan keyin 6 ochko jamg‘argan Javohir 2-o‘ringa ko‘tarilib oldi.