Surxondaryo viloyati hokimligi Angor, Termiz, Muzrabot, Jarqoʻrgʻon, Shoʻrchi va Sariosiyo tumanlariga yangi hokimlar tayinlanganini ma’lum qildi.
Angor tumani hokimi lavozimiga 2020-yilning iyulidan beri ushbu lavozimda ishlagan Shohjahon Abdullayev o‘rniga Qosim Mardonov tasdiqlandi.
Qosim Mardonov 1975-yil 24-noyabrda Termiz tumanida tugʻilgan. 1997-yil Toshkent davlat iqtisodiyot universitetini tugatgan. Maʼlumoti boʻyicha mutaxassisligi iqtisodchi.
U 2007—2020-yillarda Moliya boshqarmasi, mahalliy hokimliklar hamda Vazirlar Mahkamasida turli lavozimlarda faoliyat yuritgan. 2020-yildan buyon Vazirlar Mahkamasi Hududlarni kompleks rivojlantirish, kommunikatsiyalar, qurilish va uy-joy kommunal xoʻjaligi masalalari kotibiyatining Qashqadaryo va Fargʻona viloyatlari boʻyicha bosh mutaxassisi lavozimida ishlab kelgan.
Termiz tumani hokimi lavozimida ishlab kelayotgan Shuhratjon Urinov vazifasidan ozod etilib, uning o‘rniga Shuhrat Nazarov tayinlandi.
Shuhrat Nazarov 1968-yil 16-aprelda Shoʻrchi tumanida tugʻilgan. 1991-yil Toshkent xalq xoʻjaligi institutini, 2002-yilda Toshkent davlat yuridik institutini tugatgan. Maʼlumoti boʻyicha mutaxassisligi iqtisodchi, huquqshunos.
U 2008—2022-yillarda Soliq organlarida turli lavozimlarda faoliyat yuritgan.2022-yildan buyon Chirchiq shahar Davlat soliq inspeksiyasi boshligʻi vazifasini bajaruvchi lavozimida ishlab kelgan.
Muzrabot tumani hokimi lavozimiga tuman hokimining birinchi oʻrinbosari lavozimida ishlab kelgan Abdurashid Ismoilov tasdiqlandi.
Abdurashid Ismoilov 1977-yil 12-iyulda Boysun tumanida tugʻilgan. 2005-yil Termiz davlat universiteti, 2014-yil Toshkent moliya institutini tugatgan. Maʼlumoti boʻyicha mutaxassisligi pedagog, budjet hisobi va nazorat-moliya.
U 1996—2022-yillarda ijtimoiy taʼminot, byudjetdan tashqari Pensiya jamgʻarmasida turli lavozimlarda faoliyat yuritgan.
2022-yildan buyon Muzrabot tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiy taraqqiyot va kambagʻallikni qisqartirish boʻlimi boshligʻi lavozimida ishlab kelgan.
Jarqoʻrgʻon tumani hokimi lavozimiga Elmurod Avazov tasdiqlandi.
Elmurod Avazov 1988-yil 15-iyulda Sherobod tumanida tugʻilgan. 2010-yil Toshkent davlat iqtisodiyot universitetini tugatgan. Maʼlumoti boʻyicha mutaxassisligi buxgalteriya hisobi va audit, davlat moliyasini boshqarish.
U 2012—2022-yillarda iqtisodiyot boshqarmasi va viloyat hokimligida turli lavozimlarda faoliyat yuritgan. 2022-yildan buyon Iqtisodiy taraqqiyot va kambagʻallikni qisqartirish vazirligi Savdo va xizmatlar infratuzilmasini rivojlantirish boshqarmasi boshligʻi lavozimida ishlab kelayotgan edi.
Shoʻrchi tumani hokimi lavozimiga Ulugʻbek Zokirov tasdiqlandi.
Ulugʻbek Zokirov 1974-yil 3-dekabrda Sariosiyo tumanida tugʻilgan. 1997-yil Termiz davlat universiteti, 2004-yil Toshkent davlat iqtisodiyot universitetini tugatgan. Maʼlumoti boʻyicha mutaxassisligi biologiya oʻqituvchisi, iqtisodchi.
U 1997—2022-yillarda tijorat banklari, Oliy Majlisi Qonunchilik palatasi, Qishloq qurilish invest, Markaziy bank boshqarmasida turli lavozimlarda faoliyat yuritgan. 2022-yildan buyon Respublika Markaziy bank departament direktori oʻrinbosari lavozimida ishlab kelayotgan edi.
Sariosiyo tumani hokimi lavozimiga Abduqodir Donayev tasdiqlandi.
Abduqodir Donayev 1981-yil 8-avgustda Muzrabot tumanida tugʻilgan. 2005-yil Toshkent davlat yuridik institutini tugatgan. Maʼlumoti boʻyicha mutaxassisligi huquqshunos.
U 2005—2022-yillarda prokuratura organlarida turli lavozimlarda faoliyat yuritgan. 2022-yildan buyon Toshkent shahar Yashnobod tumani prokurori lavozimida ishlab kelgan.
Izoh (1)
нима узгаради