“Real” va “Barselona” La Liga bilan bahsda g‘alaba qozonib, “El-Klasiko” brendini ro‘yxatdan o‘tkazdi

Ispaniyaning ikki grandi “Real” va “Barselona” “El-Klasiko” brendini ro‘yxatdan o‘tkazdi. 

Qayd etilishicha, klublar 2017-yildayoq bu ishni amalga oshirishga uringan, biroq rad javobini olgan. “Real” va “Barselona” ularning qarama-qarshiligi ortidan La Liga daromad ko‘rishini xohlamayapti va o‘zlarining intellektual huquqlarini himoya qilishga qaror qildi. Bundan buyon har ikkala klub o‘rtoqlik o‘yinlaridan foyda ko‘rishi yoki o‘zaro o‘yinlari imijidan foydalangan holda qo‘shma biznes bozorini ochishi mumkin bo‘ladi. 

“El-Klasiko” brendiga bo‘lgan huquqlar bo‘yicha bahs 2017-yilda boshlangan, o‘shanda La Liga buni ro‘yxatdan o‘tkazishiga “Real” va “Barselona” qarshi chiqqan edi. La Liga prezidenti Xavyer Tebas o‘zining tovar belgisini ro‘yxatdan o‘tkazishni rad etish qarori ustidan Yevropa Ittifoqining Intellektual mulk idorasiga (EUIPO) murojaat qilgan. Biroq Yevropa Ittifoqining umumiy sudi 2021-yilda La Liga tomonidan berilgan apellyatsiyani rad etgan.