AQSHning Kanzas shtatida it mashinada birga ketayotgan egasi 30 yoshli Jozef Smitni otib qo‘ydi. Bu haqda NBC news xabar berdi.
Erkak mashina salonidagi qurolni iti tasodifan bosishi oqibatida vafot etgan. Hodisa dam olish kunida yuz bergan. Samner okrugi sherifi voqeani baxtsiz hodisa deb atamoqda. Marhum oldingi yo‘lovchi o‘rindig‘ida ketayotganda yaralangan. Mashina haydovchisi esa jarohat olmagan. Hodisa joyiga kelgan shifokorlar erkakni qutqarishga harakat qilgan, biroq u voqea joyida vafot etgan.
Shunga o‘xshash voqea 2022-yilda Turkiyada ham sodir bo‘lgandi. 32 yoshli O‘zgyur Gevreko‘g‘li iti miltig‘ni unga qarata bosishi oqibatida vafot etgan. Voqea Gevrekog‘li ov to‘plamini mashinaning orqa o‘rindig‘iga joylayotgan paytda yuz bergan. Uni kasalxonaga olib ketishgan, biroq jabrlanuvchi vafot etgani tasdiqlangan.
Avvalroq AQSHdagi maktabda 6 yoshli o‘quvchi o‘z o‘qituvchisini otib qo‘ygandi va AQSHda 10 yoshli bola onasini otib o‘ldirgandi.
Izoh (0)