Toshkent viloyatining Toshkent tumanida tibbiyot xodimiga jarohat yetkazgan shaxsga jinoyat ishi qo‘zg‘atiladi. Bu haqda viloyat IIBB matbuot xizmati xabar berdi.
Aniqlanishicha, 23-yanvar kuni 16:30 larda Toshkent tumani TTYB erkak xodimlari (shifokor va feldsher) xizmat vaqtida kelib tushgan chaqiruvga asosan, tuman “Qorabo‘riq” MFYga yetib borgan.
Xonadonda yiqilib tushib, jarohat olgan bemor ayolga birinchi tibbiy yordam koʻrsatilayotgan vaqtda, ayolning o‘g‘li (1999-yilda tug‘ilgan O‘.A.) kirib kelib, nega ayol hamshira kelmadi, deb janjal qilgan.
Shunga qaramay, tibbiyot xodimlari xizmat vazifasini bajargan va zaruratga ko‘ra bemorni shifoxonaga olib borgan.
Shu vaqtda bemorning o‘g‘li kelib, tushuntirishlarga qaramay, janjalni davom ettirgan va feldsher — 1993-yilda tug‘ilgan U.U.ni qo‘llari bilan urib, tan jarohati yetkazgan. Uning olgan tan jarohatlari bo‘yicha tibbiy ekspertiza tayinlangan.
24 yoshli fuqaro O‘.A. IIB xodimlari tomonidan protsessual tartibda ushlangan, holat yuzasidan jinoyat ishi qo‘zg‘atilib, Toshkent tumani IIB tomonidan tergov-surishtiruv ishlari olib borilmoqda.
Izoh (1)
To'g'rida nega 103 ga chaqiruv qoldirsez bemor erkak bo'lsa ayol shifokor, ayol bemor bo'lsa erkak shifokor keladi bu qanaqa maynavozchilik bu, o'tirgan farosatsizlar qatga qarab yuboradi shfokorlarni, odamlarni ustidan kulishmi bu? To'ppa to'g'ri qilipti man o'zim xam bir necha bor sinadim, atiyin ayol bemor ayol kishi kelsin didim ularga farqi yoqdur ammo bizlarga farqi bor. Ular balki dayusdur ayolini erkak kishiga ko'rsatib qo'yadigan. Shu masalaga mutasaddilar etiborli bo'linglar, zayavka qabul qilganda yoziladiku ayol erkak deb.