2022-yilning yanvar—dekabr oylari davomida xorijiy mamlakatlarga umumiy qiymati 1 134,3 million dollarga teng bo‘lgan 1,7 mln tonna meva-sabzavot mahsulotlari eksport qilingan. Bu haqda Prognozlashtirish va makroiqtisodiy tadqiqotlar instituti xabar bermoqda.
Mazkur ko‘rsatkich 2021-yilning shu davridagiga nisbatan 18,5 foiz ko‘p demakdir.
Meva-sabzavotlar eksportida qiymat jihatidan eng katta ulush qo‘shganlar:
- uzum (mayiz qo‘shgan holda) — 24,7 foiz;
- mosh — 8,2 foiz;
- shaftoli — 6,0 foiz;
- pomidor — 5,1 foiz;
- xurmo — 4,6 foiz;
- piyoz — 3,7 foiz;
- karam — 3,5 foiz;
- qovun va tarvuz — 3,3 foiz.
2022-yilning yanvar—dekabr oylarida eksportning umumiy hajmida meva-sabzavotlar ulushi 5,9 foizni tashkil etgan.
Oʻzbekiston meva-sabzavot mahsulotlarining asosiy import qiluvchilari Rossiya (42,5 foiz), Qozogʻiston (18,9 foiz), Xitoy (9,1 foiz), Pokiston (8,8 foiz), Qirg‘iziston (3,7 foiz), Afg‘oniston (2,7 foiz) Turkiya (2,2 foiz), Belarus (1,7 foiz), Ozarbayjon (1,2 foiz), Erondir (1,2 foiz).
Izoh (0)