Senatda 24-yanvar kuni NNT, davlat idoralari va faollar ishtirokida oiladagi zoʻravonlik toʻgʻrisidagi qonunning jamoatchilik muhokamasi oʻtkaziladi. Bu haqda O‘zbekistonda gender tengligini ta’minlash komissiyasi a’zosi Saida Mirziyoyeva ma’lum qildi.

Uning ta’kidlashicha, oiladagi zoʻravonlik uchun jinoiy jazo belgilanishi lozim.

“Oiladagi zoʻravonlik uchun jinoiy jazo tayinlanmagunicha, ushbu jinoyatga davlatning munosabati Jinoyat kodeksida aniq aks etmagunicha, bir joyda qotib turaveramiz. Busiz boshqa hech nima yordam berolmaydi, yuzaki choralar ham, eng ilgʻor gender loyihalari ham, quruq gap bilan tarbiyalashga urinishlar ham”, — deydi u.

Saida Mirziyoyevaning fikricha, oldin ayollar oldidagi masʼuliyatni belgilagan holda, ularni himoyalovchi qonun joriy etilishi zarur, qolgani keyin boʻladi.