Bitkoin avgustdan beri ilk bor 23 ming dollardan oshdi
23-yanvar kuni bitkoin (BTC) kursi 23 ming dollardan oshdi. Savdo davomida u 23,14 ming dollargacha yetdi. Bu avvalgi kun oxiriga nisbatan deyarli 2 foizga yuqori.
Bitkoinning barqaror o‘sishi ketma-ket to‘rtinchi hafta davom etmoqda, shu vaqt ichida u besh oy oldingi darajasiga qaytdi. Boshqa kriptovalyutalar ham yil boshidan buyon barqaror o‘sishni ko‘rsatyapti.
Toshkent vaqti bilan 24-yanvar, soat 12:20 ga kelib dunyodagi eng qimmat kriptovalyutaning narxi 23 123 dollar bo‘lib turibdi.
Bitkoinning bozor qiymati avgust o‘rtalarida 500 mlrd dollardan yuqori bo‘lib turgandi. Keyinchalik kriptovalyutaning bozor qiymati 300 mlrd dollargacha pasaydi. Ayni paytda bu ko‘rsatkich 445 mlrd dollarga teng va ko‘payib bormoqda.
2021-yil noyabr oyida bitkoin narxi 69 ming dollargacha ko‘tarilgan edi.
Kriptovalyuta bozoridagi optimizm AQSHda inflyatsiyaning pasayishi va Xitoyda karantin choralarining yumshatilishi fonida investorlar kayfiyatining umumiy yaxshilanishi bilan bog‘liq.
Dekabr oyida AQSHda iste’mol narxlari o‘tgan yilning shu davriga nisbatan atigi 6,5 foizga o‘sdi, bu noyabr oyiga nisbatan 0,6 foiz punktiga va iyun oyidagi eng yuqori cho‘qqiga nisbatan 2,6 foiz punktiga kamaydi.
-
Bagama orollari bitkoinning qulashiga sabab bo‘lgan kriptobirja aktivlarini muzlatib qo‘ydi
11.11.2022, 16:32 -
2022-yil kriptovalyuta o‘g‘irlashlar soni bo‘yicha rekord yil bo‘ldi
31.12.2022, 11:06 -
Bitkoin yaralganiga 14 yil bo‘ldi: kriptovalyuta narxi FTX bankrot bo‘lgandan beri birinchi marta 19 ming dollardan oshdi
13 yanvar, 19:26
