“Yuventus” bosh murabbiyi Massimiliano Allegri “Atalanta”ga qarshi bahsdan so‘ng (3:3) o‘z fikrlarini bildirib o‘tdi.
“Yigitlarga rahmat demoqchiman, ular ajoyib o‘yin o‘tkazdi. Oson kechmadi, biroq futbolchilar o‘yinga jiddiylik va mas’uliyat bilan yondashdi.
Istalgan boshqa jamoani oxirgi ikki kun shunchaki “o‘ldirgan” bo‘lardi (Turin klubidan moliyaviy qoidabuzarlik uchun 15 ochko olib tashlandi). Bu hamma uchun be’manilikdek tuyuldi, 2 oy oldin klub prezidenti Andrea Anyelli iste’foga chiqqanda ham shunga o‘xshash holat bo‘lgandi.
Bizda ajoyib jamoa bor va ular buni isbotladi. G‘alaba qozonishimiz yoki mag‘lub bo‘lishimiz mumkin, lekin futbolchilardagi fidoyilik hech qachon so‘nmaydi”, — deydi Allegri.
Avvalroq sud “Yuventus”ni moliyaviy maxinatsiyalar va sarflangan pullar noto‘g‘ri sarflangani bois jazo tortilgandi. Klubdan A Seriyadagi ochkolaridan 15 ochko tortib olingan. Shundan keyin jamoa 10-pog‘onaga tushib ketdi. Keyinchalik agar “Yuventus”ning moliyaviy qoidabuzarliklari isbotlanadigan bo‘lsa, u holda UEFA “sportga xos bo‘lmagan harakat” sabab turinliklarni Yevrokuboklardan chetlatishi xabar qilindi.
Izoh (0)