Gruziyada ayol operatsiyadan keyin qornida qolib ketgan qaychi bilan 3 oy yurdi

Gruziyada ayol jarrohning xatosi tufayli uch oy davomida qornida qaychi bilan yurgan, deb xabar bermoqda “Imedi”.

Voqea Tbilisida sodir bo‘lgan, Mardalyeishvili nomidagi tibbiyot markazida operatsiyadan o‘tgan ayol yanada kuchli og‘riqdan shikoyat qilib kelgan.

Ayol nima sababdan uch oy davomida og‘riqqa dosh bergani xabarda aytilmagan, ammo rentgen davomida qorin bo‘shlig‘idagi avval operatsiya qilingan joyda jarrohlik qaychisi topildi. Ayol favqulodda operatsiya qilinib, qornidagi qaychi olib tashlandi.

Klinika rahbariyati uzr so‘rab, jabrlanuvchidan nafaqat uni uch oy oldin operatsiya qilgan jarrohni, balki operatsiyada ishtirok etgan barcha tibbiyot xodimlarini ham jazolashga va’da berdi.