Yevropa Ittifoqida millioner bankirlar soni 40 foizdan oshgani ma’lum bo‘ldi

Yevropa bank boshqarmasi (EBA) hisobotiga ko‘ra, Yevropa Ittifoqida yiliga 1 million yevrodan ortiq daromad oladigan bankirlar soni 2021-yilda 41,5 foizga oshgan. Bu haqda “Kommersant” xabar bermoqda.

Agar 2020-yilda bunday kishilar soni 1 383 nafar bo‘lgan bo‘lsa, 2021-yilda — 1957 ta. Bu statistik ma’lumotlarni yuritishning butun davri — 2010-yildan beri rekord ko‘rsatkich.

EBA millioner bankirlar sonining o‘sishini bank sektori uchun kuchli 2021-yil, shuningdek, Buyuk Britaniya va YIdan yuqori maoshli ishchilarning Brexitdan keyin chiqib ketishi bilan bog‘laydi.

Regulyator, shuningdek, millioner bankirlar sonining o‘sishi 70 foizi faqat uchta mamlakat — Italiya, Fransiya va Ispaniyada sodir bo‘lganini qayd etdi.

Shuningdek, 1 million yevrodan ortiq daromad olgan bankirlarning eng ko‘p soni Germaniyaga to‘g‘ri keldi — 30 foiz.

Shu bilan birga, eng ko‘p maosh oluvchi bankir Ispaniyada ishlaydi. U 2021-yilda 14—15 million yevro ishlab olishga muvaffaq bo‘lgan.

“Bu Ispaniyadagi o‘rtacha maoshdan kamida 466 baravar ko‘p”, — deb qayd etadi EBA.

Ma’lumotlarga ko‘ra, yana Germaniya, Ispaniya va Fransiyadan bo‘lgan uchta bankirning har biri 13—14 million yevro ishlab topishga muvaffaq bo‘lgan.