AQSH prezidenti Jo Bayden ma’muriyati Yevropa davlatlari, xususan Polsha va Estoniyaning bir barrel uchun 60 dollardan past chegaralarni belgilash istagiga qaramay, Rossiya nefti eksporti uchun marjinal narxni pasaytirishga qarshi chiqish niyatida. Bu haqda Bloomberg xabar bermoqda.
Agentlik ma’lumotlariga ko‘ra, Rossiyadan olinadigan neftning maksimal narxini qayta ko‘rib chiqishdan oldin Vashington Yevropa Ittifoqining (YI) Rossiya neft mahsulotlariga 5-fevraldan kuchga kiradigan embargosini kutish niyatida.
Narxlar chegarasini o‘zgartirish uchun G7 va YIning bir ovozdan qarori talab qilingani sababli, AQSH pozitsiyasi Rossiya nefti narxi bir barrel uchun 60 dollar darajasida qolishi ehtimolini oshiradi.
Bir qator Yevropa Ittifoqiga a’zo davlatlar, jumladan, Polsha va Estoniya, Moskvaning daromadlarini qisqartirish uchun Rossiya neft eksporti narxini pasaytirishga intilishda davom etmoqda.
Agentlik ma’lumotlariga ko‘ra, Yevropa Ittifoqida narxlarni qayta ko‘rib chiqish muhokamasi kelasi hafta boshlanadi.
5-fevraldan Rossiya neft mahsulotlari, jumladan, dizel yonilg‘isi, mazut, benzin, kerosin va boshqa tovarlar importini cheklash mexanizmi ishlay boshlaydi.
Shu kundan boshlab neft mahsulotlari narxiga cheklov joriy etiladi. Rossiya neft narxiga nisbatan embargo va 60 dollarlik chegara 5-dekabrdan kuchga kirdi.
Ular Yevropa Ittifoqi tomonidan G7 davlatlari va Avstraliya bilan birgalikda qabul qilingan. Bunga javoban Rossiya prezidenti Vladimir Putin o‘zining shaxsiy ruxsatisiz neft va neft mahsulotlarini narx chegarasi ostida yetkazib berishni taqiqlagan.
Izoh (0)