Yaponiya o‘tgan yilni rekord darajadagi savdo kamomadi bilan yakunladi. Bu haqda mamlakat Moliya vazirligi tomonidan e’lon qilingan ma’lumotlarga tayanib, “TASS” xabar bermoqda.
2022-yilda savdo balansining taqchilligi 19,97 trillion iyenni (joriy kurs bo‘yicha qariyb 155 milliard dollar) tashkil etdi.
Bu 1979-yilda boshlangan tegishli statistik ma’lumotlar yig‘ilishidan keyingi eng yuqori ko‘rsatkichdir.
O‘tgan yil davomida bu indeks 1 019,7 foizga o‘sdi — bu asosan energiya narxining global o‘sishi va Yaponiya valyutasining qadrsizlanishi hisobiga sodir bo‘ldi.
Belgilangan davrda mamlakat eksporti hajmi 98,18 trln so‘mni tashkil qilgan.
Umuman olganda, Yaponiya iqtisodiyoti tang ahvolda. O‘tgan yili yuqori narxlar sabab mamlakatning bankrot bo‘lgan kompaniyalari ikki baravar ko‘paydi.
Yaponiya 24 yil ichida birinchi marta 22-sentabrda valyuta intervensiyasini amalga oshirdi. Ya’ni Yaponiya o‘z valyutasini AQSH dollariga nisbatan yanada zaiflashishiga yo‘l qo‘ymaslik uchun iyena sotib olib, uning qiymatini oshirishga harakat qilgan.
2022-yilning oktabrida mamlakat valyutasi dollarga nisbatan so‘nggi 32 yildagi eng past darajaga yetgan. Keyinchalik valyuta kursi biroz barqarorlashgan.
Izoh (0)