Mashhurlar avlodlari: Eynshteyn, Pikasso, Stalin va boshqa tarixiy shaxslarning nevaralari hozirda qanday yashaydi?
Mashhur tarixiy shaxslarning nevara, evara va chevaralarining qandayligi ko‘pchilikni qiziqtiradi. Ba’zi mashhur kishilarning avlodlari ajdodlari izidan borgan bo‘lsa, boshqalari butunlay boshqa yo‘lni tanlagan.
Albert Eynshteynning evaralari — Tomas va Pol Eynshteyn
Eynshteynning evarasi Tomas tibbiyot maktabini tamomlagan. Bugungi kunda Los-Anjelesdagi ambulator jarrohlik klinikasini boshqaradi va to‘rtta tilda gaplasha oladi. Pol esa bobosining izidan ketishni istamagan, u ilm-fan o‘rniga san’atni tanlagan. Skripka chalish bilan shug‘ullanadigan Pol ayni vaqtda Fransiyada yashaydi.
Elvis Preslining nabirasi — Rayli Kio
Xonanda va uning rafiqasi Prissillaning to‘ng‘ich nabirasi onasining izidan ketib, kinosanoatda karyera qilishga qaror qilgan. U “Telba Maks: G‘azab yo‘li” filmida suratga tushgan.
Ernest Hemingueyning evarasi — Dri Heminguey
1987-yilda tug‘ilgan qiz ayni vaqtda Amerikada modellik va aktrisalik bilan shug‘ullanadi. Dri turli mashhur modellik agentliklari va brendlar bilan hamkorlik qilgan. Gucci, Valentino, H&M brendlari shular jumlasidan.
Charli Chaplinning nabirasi — Una Chaplin
“Taxtlar o‘yini” filmida Robb Starkning qaylig‘i rolini ijro qilgan Una Qirollik akademiyasining dramatik san’at yo‘nalishini tamomlagan. Hozirda 35 yoshli aktrisaning karyerasi ayni gullagan payti.
Iosif Stalinning nabirasi — Kris Evans
Stalinning kenja qizi Svetlana Alliluyevaning farzandiga Olga deb ism qo‘yilgan, ammo ismini yoqtirmagan qiz uni o‘zgartirishga qaror qilgan. 2011-yil Daily Mail nashriga bergan intervyusida u onasi butun hayoti davomida uni otasi bilan bog‘lamasliklari uchun uringanini, bobosining qilgan ishlari onasiga yoqimsiz bo‘lganini ta’kidlagan.
Lev Tolstoyning evarasi — Ilariya Shtiler-Timor
Ilariyaning buvisi Lev Tolstoyning to‘ng‘ich farzandi bo‘lgan.U Leonardo Albertini ismli italyanga turmushga chiqqan. Juftlik uch nafar farzandli bo‘lgan va ulardan biri Ilariyaning onasi bo‘lgan. Tolstoyning isroillik evarasi bolaligidan mashhur bobosi haqida yaxshi bilgan.
Odri Xepbyornning nabirasi — Emma Ferrer
Buvisidan farqli ravishda aktrisalikni tanlamagan Emma Florensiyadagi san’at akademiyasida tahsil olgan. Mashhur aktrisaning nabirasi voyaga yetganidan keyin suratchilar, moda brendlari unga e’tibor berib, hamkorlik qilishni taklif qila boshlagan. Bugungi kunda modellik faoliyati bilan shug‘ullanadigan Ferrer Odri singari xayriya ishlarida ham faol ishtirok etish bilan birga, UNICEF bilan hamkorlikda ishlaydi.
Pablo Pikassoning nabirasi — Diana Vidmayer Pikasso
Diana butun hayotini ijodga bag‘ishlagan. U zamonaviy san’at bilan shug‘ullanadigan tarixchi hisoblanadi. U buvasining ijod namunalari haqida ma’lumot to‘playdigan DWP Editions nomli tadqiqot kompaniyasiga egalik qiladi.
Rossiya imperatori Nikolay I ning evarasi — Nikoletta Konsola Romanova
Bugungi kunda taniqli italiyalik aktrisa 2003-yilda “Mening sevgimni esla” filmida debyut qilgan. U italiyalik siyosatchi Juzeppe Konsolo va knyaz Nikolay Romanovning farzandi Natalya Nikolayevna Romanovaning qizi. 2016-yilda u Italiyaning Damiani kompaniyasi bilan qirollik sulolasi zargarlik buyumlaridan ilhomlangan holda “Romanovlar” zargarlik buyumlari kolleksiyasini yaratish ustida ishlay boshladi.
