Qatar yaqin yillarda xalqaro bozorlarga, jumladan, Yevropaga gaz yetkazib berish hajmini oshirishni rejalashtirmoqda. Bu haqda mamlakat bosh vazir o‘rinbosari, tashqi ishlar vaziri Muhammad ibn Abdul Rahmon Ol Tani Davosdagi Jahon iqtisodiy forumining yillik yig‘ilishida ma’lum qildi.
“Biz Qatarda gaz xavfsiz va toza energiya manbai ekanligiga ishonamiz. Bu esa yaqin o‘n yilliklarda muhim rol o‘ynaydi, energetika balansida muhim o‘rin egallaydi”, — dedi u.
Shuningdek, Ol Tani mamlakat kelgusi yillarda bozorlarga, ayniqsa, Yevropaga ko‘proq gaz jo‘natishini ta’kidladi.
Unga ko‘ra, bugungi vaziyatda energiya qashshoqligining oldini olish uchun sanoatga sarmoya kiritish zarur.
Hozirda Qatardagi North Field Sharqiy gaz koni kengaytirilmoqda.
Ushbu loyiha Qatar hukumatiga 2027-yilga borib suyultirilgan gaz eksport quvvatini yiliga 77 million tonnadan 126 million tonnagacha oshirish imkonini beradi.
Xalqaro gaz ittifoqi hisob-kitoblariga ko‘ra, North Field East loyihasi doirasini xomashyo eksport qilish uchun 150 ga yaqin tanker kerak bo‘ladi.
Mavzuga doir: Suyultirilgan gaz qiroli: Qatar LNG yetkazib berish bo‘yicha tarixiy kelishuvlarga erishdi
Izoh (0)