Germaniyada ekofaol Greta Tunberg ko‘mir konini kengaytirishga qarshi namoyishda politsiya tomonidan hibsga olindi (video)

Shvetsiyalik 20 yoshli ekofaol Greta Tunberg Germaniyaning Lutserat qishlog‘i buzilishiga qarshi norozilik namoyishi chog‘ida politsiya tomonidan hibsga olindi, deb xabar bermoqda Sky News. Nashr ma’lumotlariga ko‘ra, iqlim bo‘yicha munozaralar markaziga aylangan kichik Lutserat qishlog‘i unga yaqin joylashgan ko‘mir konini kengaytirish maqsadida “snos” qilinmoqda.

Mahalliy politsiya vakilining so‘zlariga ko‘ra, Tunberg norozilik namoyishi ishtirokchilari orasida bo‘lgan, ular ochiq kon chetiga yaqin joyda namoyish o‘tkazgan, zobitlar bu joyni “tikka va o‘ta xavfli” deb ta’rifladi.

Politsiya Greta qamalmaganini, faqat vaqtincha hibsga olinganini va boshqa namoyishchilar qatori shaxsni aniqlash ishlari uchun olib ketilganini qayd etdi.

BREAKING ⚡️⚡️ Alleged climate activist Greta Thunberg detained by police during an anti-coal protest in Germany's village second time in a week. pic.twitter.com/jVcnzdb0jO

— Megh Updates 🚨™ (@MeghUpdates) January 17, 2023

Rasmiylarning ta’kidlashich, kondan qazib olinadigan qo‘ng‘ir ko‘mir qisqa muddatli istiqbolda Germaniyaning energiya xavfsizligini ta’minlaydi. Rossiyaning Ukrainaga bosqinidan keyin hukumat ko‘mirdan foydalanishga munosabatini o‘zgartirishga majbur bo‘ldi. Ilgari mamlakat energiya manbai sifatida Rossiya gaziga qaram bo‘lgan, biroq Yevropa sanksiyalariga javoban gaz yetkazib berish to‘xtatilgan.

Ekologik faollar konni kengaytirishga qarshi, chunki ular qo‘ng‘ir ko‘mirni sog‘liq uchun eng zararli deb biladi.