Barcha turdagi og‘riqlarni bartaraf etishga yordam beradigan tabiiy mahsulotlar

Agar qorin yoki bosh og‘risa, darhol dorixonaga yugurish tavsiya etilmaydi. Uydan topish mumkin bo‘lgan tabiiy mahsulotlar ham yordam beradi: sabzi Alsgeymerning oldini oladi, ismaloq esa kariyesdan himoya qiladi.

“Noviy ochag” nashri bu kabi mahsulotlarning bir nechtasini sanab o‘tdi.

Ismaloq

Ismaloq tishlarni kariyesdan himoya qiladi va tish shifokoriga tashrif buyurishni kamaytiradi. Bargli ko‘katlarda ftorid mavjud bo‘lib, ular tish emalini mustahkamlaydi. Salat barglarining barcha turlari tabassumni go‘zallashtiradi. Hatto eng oddiy karam tarkibida kalsiy va foliy kislotasi mavjud bo‘lib, ular tishlarni iloji boricha uzoq vaqt davomida sog‘lom saqlashga yordam beradi.

Sabzi

Sabzi bosh og‘rig‘idan himoya qiladi, Alsgeymer va demensiyaning oldini olishga yordam beradi. Yaponiyalik olimlar sichqonlar ustida tajriba o‘tkazib, sabzi sharbati va ko‘k choy tarkibidagi antioksidantlar miyaning degenerativ kasalliklarini keltirib chiqaradigan hujayralarni “tuzatish”ga yordam berishini aniqladi. Bundan tashqari, sabzi kaliyni o‘z ichiga oladi, bu gipertoniyaga chalingan bemorlarning qon bosimini pasaytiradi va qon tomirlari faoliyatini yaxshilaydi. Ushbu oddiy mahsulot bosh og‘rig‘i va aterosklerozning oldini oladi.

Yangi loviya

Loviya ovqat hazm qilishni yaxshilashga yordam beradi. Agar qorin dam bo‘lishi yoki ich qotishi bezovta qilsa, kletchatkaga boy mahsulotlarni sinab ko‘rish tavsiya etiladi. Masalan, banan, no‘xat, oq guruch, brokkoli tabiiy dori sifatida mos keladi.

Rozmarin

Ushbu mahsulot oshqozonning kislotaliligini tartibga solishga yordam beradi, shuning uchun uni sho‘rva va boshqa taomlarga qo‘shish mumkin. Yangi rozmarinlar quritilganidan ko‘ra ko‘proq ozuqaviy moddalarni o‘z ichiga oladi.

Sarimsoq

Yangi sarimsoq tarkibida C va B guruhi vitaminlari, rux, kalsiy va boshqa ko‘plab sog‘liq uchun foydali moddalar mavjud bo‘lsa-da, u shamollashdan himoya qilmaydi. Bir necha yil oldin amerikalik olimlar buni yomon xolesterin darajasi yuqori bo‘lgan bir guruh eksperimental subyektlarda tajriba sifatida sinab ko‘rdi.