Jizzax shahridagi “Istiqlol” bog‘ida 20-dekabr kuni qizlar o‘rtasida janjal yuzaga keldi. Viloyat Ichki ishlar boshqarmasi holat yuzasidan ma’lumot berdi.
Qayd etilishicha, ijtimoiy tarmoqlarda tarqalgan video ichki ishlar organlari xodimlari tomonidan o‘rganilgan. Kelishmovchilikka Telegram’da ochilgan guruhdagi o‘zaro yozishmalar sabab bo‘lgan.
Ayni paytda Jizzax shahrida yashovchi E.H, R.N. hamda Sharof Rashidov tumanida yashovchi M.H. (jami 9 nafar qiz) ishtirokidagi janjal bo‘yicha tergov ishlari olib borilmoqda.
Mushtlashuvda maktab va kollej o‘quvchilari hamda oliy o‘quv yurtlari talabalari qatnashgani aniqlangan. Tekshiruv natijalariga ko‘ra qonunbuzarlar yoki ularning ota-onalariga tegishli chora ko‘riladi.
Mavzuga doir: Sirdaryoda o‘quvchi qizlar o‘rtasida sodir bo‘lgan janjal bo‘yicha ma’lumot berildi
Izoh (0)