Braziliyadagi norozilik namoyishlaridan so‘ng AQSH prezidenti Jo Bayden braziliyalik hamkasbi Lula da Silva bilan telefon orqali suhbatda, Qo‘shma Shtatlar mamlakat demokratiyasi va braziliyaliklarning erkinligini “so‘zsiz qo‘llab-quvvatlashini” aytdi. Bu haqda Oq uy veb-saytida xabar berildi.
Bayden Braziliyadagi tartibsizliklarni qoraladi. U fevral oyi boshida hamkasbini Vashingtonga tashrif buyurishga taklif qildi, da Silva taklifni qabul qildi.
Da Silva, o‘z navbatida, “prezident Baydenning g‘amxo‘rligi va hamjihatligi hamda demokratiyani mustahkamlash uchun ikki mamlakat o‘rtasida doimiy muloqotni davom ettirishga tayyorligini” qadrlashi haqida tvit qoldirdi.
AQSH vitse-prezidenti Kamala Xarris esa mamlakatning Braziliyadagi yangi elchisi Elizabet Baglining qasamyodini qabul qildi.
8-yanvar kuni Bolsonaru tarafdorlari prezidentlik saylovi natijalarini bekor qilishni talab qilib, prezident qarorgohi, Kongress binosi va Braziliyadagi Oliy sud binosiga bostirib kirgandi. Keyinchalik rasmiylar poytaxtdagi vaziyatni nazoratga olishga muvaffaq bo‘ldi. 1500 ga yaqin namoyishchi qo‘lga olindi. Shaharda yanvar oyi oxirigacha favqulodda holat e’lon qilindi.
Bolsonaru “braziliyalik Tramp” deb ataladi, mamlakatdagi tartibsizliklar esa AQSHdagi prezidentlik saylovlarida mag‘lub bo‘lgan Donald Tramp tarafdorlari tomonidan 2021-yil yanvarda Kapitoliyga qilingan hujum bilan taqqoslanmoqda.
Izoh (0)