Yengil vazn toifasida UFC sobiq chempioni Habib Nurmagomedov MMA dan ketayotganini tasdiqladi.
Sobiq chempion “Habib MMA industriyasini butunlay tark etmoqda. Endi u MMA bilan bog‘liq hech qanday vazifalarni bajarmaydi. Sportchining bunday qarorga kelishiga asosiy sabab — oilasiga ko‘proq vaqt ajratish”, — degan xabarni o‘z Instagram sahifasida ulashdi.
Eslatib o‘tamiz, Habib Nurmagomedov 2020-yilning 24-oktabrida UFC 254 musobaqasida oktagondagi oxirgi jangini o‘tkazgan edi. Ushbu musobaqadagi jang orqali Habib ketma-ket uchinchi bor chempionlik kamarini himoya qilgan. Unga Jastin Getji raqiblik qilgandi. Nurmagomedov Getjini bug‘ish usuli bilan muddatidan oldin mag‘lub etgan. Bu dog‘istonlik jangchining 29-g‘alabasi edi va u UFC’ning vazn toifasidan qat’i nazar umumiy reytingida birinchi o‘ringa ko‘tarilgandi.
Izoh (0)