Belarus va Rossiya qurolli kuchlari qo‘shma taktik parvoz mashg‘ulotlarini o‘tkazadi. Bu haqda 8-yanvar kuni Belarus Mudofaa vazirligi matbuot xizmati xabar berdi.
Ma’lum qilinishicha, 2023-yilning 16-yanvaridan 1-fevraliga qadar mintaqaviy kuchlar guruhining aviatsiya tarkibiy qismiga kiruvchi Belarus va Rossiya qurolli kuchlarining aviatsiya bo‘linmalari bilan qo‘shma taktik parvoz mashg‘ulotlari bo‘lib o‘tadi.
8-yanvar kuni Rossiya Aerokosmik kuchlarining aviatsiya komponenti Belarusga yetib kelgan. Mashg‘ulotlarga Belarus qurolli kuchlarining barcha poligonlari va aerodromlari jalb etiladi.
Belarus prezidenti Aleksandr Lukashenko 6-yanvar kuni Ukraina va Polsha bilan chegaradosh Brest viloyatidagi Obuz-Lesnovskiy poligoniga tashrif buyurgandi. Rossiya bo‘linmalaridan biri ushbu poligonda joylashgan.
Rossiya va Belarus mintaqaviy qo‘shinlar guruhini kuchaytirishda davom etmoqda, Belarusga Rossiyadan yangi kuchlar va harbiy texnika yetib kelmoqda.
Mavzuga doir:
Izoh (0)