Toshkentda kunlik benzin narxlari e’lon qilindi

UNG Petro 4-yanvar kuni Toshkent shahrida benzin quyish shoxobchalaridagi narxlarni e’lon qildi.

Unga ko‘ra, AI-80 Toshkentdagi ikkita benzin quyish shoxobchasida 5 700 so‘mdan sotilmoqda. Bular UNG Petro va IBR Petroleum Station. 

Tatneft shoxobchasida AI-80 narxi 6 000 so‘m bo‘lib turibdi. Eng qimmat AI-80 ni “Lukoil” taklif qilmoqda — 6 100 so‘m. 

Narxlarning tushishi AI-80 benzini uchun aksiz solig‘i bekor qilingani bilan izohlanadi.

AI-92 va AI-95 larni eng arzon narxlarda UNG Petro taklif qilmoqda — mos ravishda 9 000 so‘m 10 000 so‘m. Narxlar 2022-yil oxiriga nisbatan 500 so‘mdan arzonlagan. Eng qimmat AI-92 va AI-95 benzin turlarini hamon Tatneft taklif qilmoqda. 

Mart oyidagi ma’lumotlardan farqli ravishda AI-98 narxlari hech qaysi benzin quyish shoxobchasida ko‘rsatilmagan.

Avvalroq O‘zbekistonda AI-80 benzini ishlab chiqarish hajmi 50 foizdan ko‘proqqa oshirilgani haqida xabar berilgan edi.