Norvegiyada joylashgan Eron inson huquqlari tashkiloti Iran Human Rights (IHR) ma’lumotlariga ko‘ra, Eronda hukumatga qarshi namoyishchilarning kamida 100 nafari, jumladan, besh ayol o‘lim jazosiga hukm qilingan yoki hukm qilinishi kutilmoqda.
Ayni paytda huquq himoyachilarining aytishicha, aslida o‘lim jazosi namoyishchilarning ancha ko‘p qismiga tahdid solmoqda, biroq ularning oila a’zolari hokimiyatdan qo‘rqib, bu haqda gapirmayapti.
Dekabrda Eronda namoyishchilarni qatl qilish boshlangandi. Birinchi bo‘lib yosh eronlik Mohsin Shekariy 8-dekabr kuni ertalab osilgan. Shuningdek, 17 yoshli Soniya Sharifiyga “Xudoga qarshi urush olib borish” aybi bilan hukm chiqarilgan.
Erondagi namoyishlar
Eronda 17-sentabrdan beri davom etayotgan namoyishlarda 400 000 ga yaqin odam hibsga olindi. Sentabr oyining oxirida Eronda 22 yoshli Mahsa Amini hijobni “noto‘g‘ri” o‘ragani uchun axloq politsiyasi tomonidan hibsga olinganidan keyin vafot etishi ortidan norozilik namoyishlari boshlandi. Ular butun mamlakat bo‘ylab haligacha davom etmoqda. Namoyishlar kuch tuzilmalari tomonidan shafqatsizlik bilan bostirilmoqda.
Tartibsizliklar chog‘ida xavfsizlik xodimlari tomonidan 450 dan ortiq odam o‘ldirilgan.
Izoh (0)