28 yoshli yigit Ross Smit va uning 95 yoshda bo‘lgan buvisi kulgili suratlari, videolari bilan ijtimoiy tarmoqlarda mashhurlikka erishdi.
“Mening buvim olov”, — deb yozadi ijtimoiy tarmoqlarda 28 yoshli yigit Ross Smit buvisi haqida. Haqiqatan ham uning buvisi ijtimoiy tarmoq foydalanuvchilarini videolari va suratlari bilan hayratga qoldirgan.
Ross buvisining basketbol o‘ynayotganda to‘pni to‘sib qo‘ygani aks etgan qisqa videoni suratga olganidan keyin mashhurlikka erishdi. Biroq, uning buvisi o‘sha paytda 90 yoshda bo‘lmagan, “atigi” 87 yoshda edi. Video ijtimoiy tarmoqlarni “portlatib” yubordi.
Ross bunday potentsialni yo‘qotmaslik kerak deb qaror qildi va darhol yo‘nalishini tanladi: u tarmoqda kanallar va sahifalar yaratdi, buvisi bilan kulgili videolar, fotosessiyalarni suratga ola boshladi.
Qayerdadir hazil-mutoyiba, qayerdadir shunchaki ajoyib liboslardagi kulgili suratlar yoki mashhur filmlardagi qayta ishlangan sahnalar — duet bir necha yil ichida milliondan ortiq muxlislarga ega bo‘ldi.
Buvi va nabiralarning samimiyligi ularning kuzatuvchilarining e’tiborini tortgan. Ular rol o‘ynamaydi, balki chin dildan bir-birining kayfiyatini ko‘tarib, boshqalarga ham ko‘tarinki ruh baxsh etadi. Ular hattoki taniqli amerikalik aktyor Chak Norrisni ham hayratda qoldirishga muvaffaq bo‘ldi, u buvi va nevaraning fotosuratlaridan birida paydo bo‘ldi.
Kurka shaklidagi kostyumni, amerikalik futbolchi formasi yoki pushti kigurumi kiyishdan uyalmaydigan buvilarni ko‘rganmisiz? Bular shunchaki surat xolos.
Bundan tashqari, bu o‘yin-kulgi mablag‘ni yaxshi ko‘paytiradi, chunki buvi va uning nevarasi reklamadan juda yaxshi pul topadi. Koronavirus pandemiyasi tufayli ular vaqtincha ajrashishga majbur bo‘ldi. Keksa insonlarning hayoti xavf ostida bo‘lib, ular ham sog‘lig‘i uchun o‘zlarini izolyatsiya qilishi kerak edi. Biroq oradan vaqt o‘tib buvi va nabira yana birga ijod qila boshladi — ular ijtimoiy tarmoqlarda yangi ijod namunalarini muxlislariga taqdim etdi.
Izoh (0)