Serbiya qurolli kuchlari prezident Aleksandr Vuchich farmoni bilan jangovar shaylik holatiga keltirildi. Bu haqda mudofaa vaziri Milosh Vuchevich Tanjug nashriga ma’lum qildi.
“Bu bizni Serbiya armiyasi mamlakat hududiy yaxlitligi va suverenitetini, barcha fuqarolarni himoya qilish va, qayerda yashashidan qat’i nazar, serblarga nisbatan terror oldini olish uchun olib boradigan harakatlargacha bo‘lgan eng yuqori darajaga chiqaradi”, — dedi u.
Mamlakat ichki ishlar vaziri Bratislav Gashich o‘z navbatida ma’lum qilishicha, IIV bo‘linmalari Bosh shtab boshlig‘i qo‘mondonligi ostiga beriladi va “tezkor rejada ko‘zda tutilgan pozitsiyalarni egallaydi”.
Serbiya tashqi ishlar vaziri Ivitsa Dachichning aytishicha, Kosovo shimolida va qisman tan olingan Kosovo Respublikasining nazorati ostidagi Metoxiya muxtor o‘lkasida yashaydigan serblarga hujum bo‘lgan taqdirda, Belgrad aralashishga tayyor.
Serbiyaning “Vecherne Novosti” portali manbalariga tayanib yozishicha, Kosovo kuchlari ham jangovar shaylik holatiga keltirilgan.
Kosovodagi vaziyat hukumatning respublika hududida faqat mahalliy avtoraqamlar bilan yurish haqidagi talablari tufayli keskinlashishni boshladi. Noyabrda mahalliy hukumat serb raqamlaridan foydalanganlik uchun jarima solishga va’da berdi. Asosan serblar istiqomat qiladigan Kosovo shimolida barrikadalar paydo bo‘ldi, mahalliy aholi esa chegara punktlariga olib boradigan yo‘llarni to‘sib qo‘ya boshladi.
Dekabr o‘rtalarida Kosovo hukumati barrikadalarni olib tashlashni talab qildi, bosh vazir Albin Kurti Kosovo xavfsizlik kuchlari to‘siqlarni o‘zlari demontaj qilishi mumkinligini istisno qilmadi.
26-dekabrga o‘tar kechasi Serbiya va Kosovo chegarasidagi Zubin-Potok shahri hududida NATO kuchlari patruli yaqinida otishma yuz berdi, hech kim jabrlanmadi. Serbiya bosh shtabi boshlig‘i Milan Moysilovich chegara yaqinidagi Rashku shahriga jo‘nab ketdi. U vaziyatni murakkab deb atab, Kosovo bilan chegaraga serb harbiylarini joylashtirishga ehtiyoj borligini aytdi.
Izoh (0)