Chet el kapitali ishtirokidagi “Hamkorbank” aksiyadorlik tijorat banki xizmat ko‘rsatish sifatini oshirish va o‘z mijozlari uchun qo‘shimcha qulayliklar yaratish ustida tinimsiz ish olib bormoqda. Shu maqsadda aholi uchun qulay manzillarda yangi shakldagi universal bank xizmatlari ofislari faoliyati tashkil etilmoqda. Xususan, 2022-yil 22-dekabr kuni “Olmazor” universal bank xizmatlari ofisining tantanali ochilish marosimi bo‘lib o‘tdi.
Tadbirda bank rahbariyati, Olmazor tumani hokimligi, OAV xodimlari, blogerlar, rasmiy idoraralar vakillari, shuningdek, yangi filial faoliyatiga qiziqish bildirgan tadbirkorlar va bank mijozlari ishtirok etishdi.
“Hamkorbank” ATB Boshqaruv raisi o‘rinbosari Jasur Xasanov tadbirni ochib berar ekan, mijozlar uchun yaratilgan sharoitlar, taklif etiladigan bank xizmati turlari va yangi texnologik yechimlar to‘g‘risida batafsil ma’lumot berdi.
E’tiborlisi, ofis zamonaviy texnologiyalar bilan to‘liq jihozlangan, mijozlarga sifatli xizmat ko‘rsatish maqsadida o‘z sohasining malakali mutaxassislari jalb etilgan. “Olmazor” universal bank xizmatlari ofisi bir vaqtning o‘zida tadbirkorlik subyektlari va aholiga keng turdagi barcha zamonaviy bank xizmatlarini taklif etadi. Xususan, mijozlar hisob raqami va plastik kartalar ochishi, valyuta almashtirishi, kredit va omonat rasmiylashtirishi, barcha turdagi to‘lovlarni amalga oshirishi hamda xalqaro pul o‘tkazmalarini qabul qilishi va yuborishi mumkin. Bank xizmatlari ofisi 24/7 rejimida faoliyat ko‘rsatuvchi zamonaviy bankomat va infokiosklar bilan ta’minlangan.
Darhaqiqat, 31 yil mobaynida moliya bozorida muvaffaqiyatli faoliyat ko‘rsatib kelayotgan Chet el kapitali ishtirokidagi “Hamkorbank” aksiyadorlik tijorat banki hozirgi davrga kelib, tadbirkorlik subyektlari va aholi ehtiyojlarini to‘liq qondirish maqsadida, keng miqyosda zamonaviy bank xizmatlarini ko‘rsatish hamda ularga hududiy jihatdan yaqinlashishni o‘z oldiga eng asosiy maqsad qilib olgan. Hozirda, respublikamizning barcha hududlarida Hamkorbankning 50 ta universal bank xizmatlari ofisi va 103 ta bank xizmatlari ofislari faoliyat ko‘rsatmoqda.
“Hamkorbank” ATB “Olmazor” universal bank xizmatlari ofisiga marhamat!
Manzil:
Toshkent shahri, Olmazor tumani, “Islom ota” MFY, Oltinsoy ko‘chasi, 27-a uy.
Mo‘ljal: 133-maktab
Aloqa markazi: 1256
Bizni ijtimoiy tarmoqlarda kuzatib boring:
Reklama huquqi asosida.
Izoh (0)