Qonunchilik palatasi 2023-yil uchun davlat budjeti to‘g‘risidagi qonun loyihasini ma’qulladi

Bugun, 22-dekabr kuni Oliy Majlis Qonunchilik palatasida “2023-yil uchun O‘zbekiston Respublikasining Davlat buudjeti to‘g‘risida”gi qonun loyihasi ikkinchi o‘qishda ko‘rib chiqildi. Bu haqda palata axborot xizmati xabar berdi.

Ma’lum qilinishicha, qonun loyihasini birinchi o‘qishda ko‘rib chiqish jarayonida barcha siyosiy partiyalar fraksiyalari o‘z pozitsiyasini bildirib, qator takliflarni ilgari surgan.

“Qonun loyihasini ikkinchi o‘qishga tayyorlash chog‘ida o‘tkazilgan ishchi guruh yig‘ilishlarida loyihani yanada takomillashtirish bo‘yicha deputatlar tomonidan ko‘plab takliflar berildi va ularning aksariyati hujjatni maromiga yetkazishda e’tiborga olindi. Ko‘plab prinsipial ahamiyatga molik takliflarga hukumat vakillarining mas’uliyat bilan yondoshuvi qonun loyihasining mukammal bo‘lishiga va takomillashuviga xizmat qildi”, – deyiladi manbada.

Xabarga ko‘ra, qonun loyihasi deputatlar tomonidan qabul qilingan va Senatga yuboriladi.