Bugun,

  • USD 11095.31
  • RUB 173.84
  • EUR 10772.44

Adliya vazirligi va tilshunos olimlar hamkorligida “Ismlar” elektron lug‘ati va mobil ilovasi yaratilmoqda. Bu haqda vazirlik axborot xizmati rahbari Sevara O‘rinboyeva xabar qildi.

Foto: Adliya vazirligi

Foto: Adliya vazirligi

Ta’kidlanishicha, ism qo‘yish u Fuqarolik holatlari dalolatnomalarini yozish organlarida tegishli tartibda qayd etish jarayonida fuqarolarga qulaylik yaratish, ismlarning ma’nosi va yozilishidagi o‘ziga xosliklarni e’tiborga olish, milliy qadriyatlarga mos ismlarni ommalashtirish masalalari bugungi kunda dolzarb hisoblanadi.

Adliya vazirligi tashabbusiga bilan Alisher Navoiy nomidagi O‘zbek tili va adabiyoti universiteti hamda Fanlar akademiyasining bir guruh olimlari tomonidan o‘zbek ismlarining elektron imlo lug‘atini yaratish ustida ish olib borilmoqda. Ushbu elektron lug‘atda ismlarning o‘zbek tili lotin alifbosida hamda ingliz tilida yozilishi va ma’nosi (izohi) aks etadi. Lug‘at FHDY elektron tizimiga integratsiya qilinadi.

Foto: Adliya vazirligi

Foto: Adliya vazirligi

Ushbu loyiha fuqarolarga ism tanlashda, FHDY organlari xodimlariga esa ismlarni qayd etish va o‘zgartirish jarayonlarida muhim tayanch manba bo‘lishi nazarda tutilgan.

Adliya vazirligida bo‘lib o‘tgan “O‘zbek ismlarining izohli imlo lug‘atini yaratish hamda uni FHDY elektron tizimiga integratsiya qilishga doir muhim masalalar” mavzusidagi vebinar ushbu masalalar muhokamasiga bag‘ishlandi. Seminarda Adliya vaziri maslahatchisi Shahnoza Soatova, O‘zbek tili va adabiyoti universiteti professori Saodat Muhamedova va dotsenti Muyassar Saparniyazova, Xalqaro Islom akademiyasi prorektori, professor Zohid Islomov kabi olimlar, shuningdek, respublikadagi 200 dan ortiq FHDY organlari xodimlari ishtirok etdi.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi