Toshkentning ikki tumanida avtobenzin va dizel yoqilg‘isini noqonuniy ravishda sotib kelgan fuqarolar ushlandi. Bu haqda Energetika vazirligi matbuot xizmati xabar berdi.
Qayd etilishicha, dekabr oyining o‘tgan davrida iste’molchilarning neft mahsulotlari va siqilgan gazga bo‘lgan ehtiyojlarini qondirish bo‘yicha joylarda “O‘zneftgazinspeksiya”, huquqni muhofaza qiluvchi organlar va ishchi guruh ahzolari tomonidan nazorat tadbirlari olib borilmoqda.
Tadbirlar davomida ayrim fuqarolar tomonidan noqonuniy xatti-harakatlar aniqlanmoqda.
Jumladan, Mirzo Ulug‘bek tumani, Oydin ko‘chasidagi uyda yashovchi fuqaro A.S. 300 dona 10 litr hajmdagi plastik idishlarda 2 995 litr dizel yonilg‘isi hamda shu ko‘chadagi boshqa uyda yashovchi fuqaro U.R. 101 dona 10 litr hajmdagi plastik idishlarda (80 donasi solyarka, 21 donasi avtobenzin) 800 litr dizel yonilg‘isi va 200 litr avtobenzin saqlagani va ularni noqonuniy ravishda sotib kelgani aniqlangan.
Mirobod tumani, Amir Temur ko‘chasida fuqarolar Sh.I va M.R. kichik yuk avtomashinasida 1 000 litr dizel yoqilg‘isini qonunga hilof ravishda sotayotgan vaqtida ushlangan.
Hozirda ushbu holat bo‘yicha huquqni muhofaza qiluvchi organlar tomonidan tergovga qadar tekshiruv harakatlari o‘tkazmoqda.
Mavzuga doir: O‘zbekistonda AI-80 benzini ishlab chiqarish hajmi 50 foizdan ko‘proqqa oshirildi
Izoh (0)