Davlat ekologiya qo‘mitasi tasarrufidagi “Surxon” davlat qo‘riqxonasida o‘rnatilgan fotoqopqonlarga bo‘rilar muhrlandi. Bu haqda qo‘mita axborot xizmati xabar bermoqda.
Bo‘ri itsimonlar oilasiga mansub yirtqich sut emizuvchi hayvon hisoblanadi. Tashqi muhitga kuchli, chidamli va chaqqon, hid bilish va eshitish organlari yaxshi rivojlangan bo‘rilar O‘zbekistonning cho‘l, dashtlari, o‘rmon, to‘qay, tog‘ va tog‘ etaklarida keng tarqalgan.
Mutaxassislarning fikricha, bo‘rilarda ko‘rish qobiliyati ham juda yuqori bo‘lib, tunda ham har qanday sharpani ilg‘agan holda bemalol ov qila oladi.
“Surxon” davlat qo‘riqxonasida bo‘rilar ham muhofazaga olingan. Oxirgi sanoq natijalariga ko‘ra, ushbu qo‘riqxona hududida bo‘rilarning soni 95 tani tashkil etgan.
Mavzuga doir:
Izoh (0)