Shrek haqidagi beshinchi multfilm yana katta ekranlarga qaytishi mumkin. Bu haqda “Etik kiygan mushuk” franshizasida ovoz bergan aktyor Antonio Banderas ma’lum qildi, deb yozadi “Film.ru”.
“Men bu mushuk bilan qariyb 20 yildan beri birgaman. Men u bilan beshta filmda ishladim. Yaqinda ular yana bittaga ko‘payadi va katta ehtimolga ko‘ra ‘Shrek’ bilan qaytadi”, — dedi Banderas Saudiya Arabistonida bo‘lib o‘tayotgan Red Sea kinofestivalidagi intervyularidan birida.
DreamWorks Animation studiyasi to‘rtta “Shrek” va ikkita “Etik kiygan mushuk” lentasini yaratgan. Qolaversa, 2022-yilning dekabr oyi oxirida xalqaro miqyosda “So‘nggi tilak” multfilmining chiqishi rejalashtirilgan. 2018-yilda Variety nashri “Shrek” haqidagi beshinchi multflm chiqishini xabar bergan, biroq loyiha hanuzgacha amalga oshmagan edi.
Izoh (0)