Toshkentda portlash sodir bo‘lgani haqidagi xabarlar rad etildi

Ijtimoiy tarmoqlarda Toshkent shahrining Shayxontohur tumanida portlash sodir bo‘lgani haqida xabarlar tarqaldi. FVV matbuot xizmati buni rad etdi.

Qayd etilishicha, 9-dekabr kuni soat 06:00 da Toshkent shahar Shayxontohur tumani “Ko‘kcha” MFY General Uzoqov ko‘chasida joylashgan savdo do‘konlarining birida yong‘in sodir bo‘layotgani to‘g‘risida shahar FVBga xabar kelib tushgan.

Shunga ko‘ra 4 ta yong‘in-qutqaruv ekipaji soat 06:09 da voqea joyiga yetib borgan va yong‘in soat 06:16 da o‘chirilgan.

“Yong‘in natijasida 20 kvadrat metr maydonda yengil konstruksiyadan qurilgan oziq-ovqat do‘koni yonib zararlangan. Voqea joyida hech qanday portlash holatlari yuz bermagan”, — deyiladi xabarda.