Rossiya prezidenti matbuot kotibi Dmitriy Peskov 2022-yil oxirigacha MDH yetakchilari sammit o‘tkazishi mumkinligini ma’lum qildi. Bu haqda “RIA Novosti” xabar berdi.
Peskovning so‘zlariga ko‘ra, yangi yil oldi MDH sammitini o‘tkazish g‘oyasi mavjud, barcha kelishuvlar yakunlangach, tegishli e’lon beriladi.
“Yangi yil oldidan shunday yig‘ilish o'tkazish g'oyalari bor, MDH sammitini nazarda tutayapman. Barcha kelishuvlar yakunlangach, biz tegishli e’lon beramiz”, — degan Peskov.
Oktabr oyida Rossiya prezidenti Vladimir Putin MDH davlatlarining barcha rahbarlarini Sankt-Peterburgdagi norasmiy uchrashuvga taklif qilgandi. Qozog‘istonda oktabr oyida Osiyoda hamkorlik va ishonch choralari kengashi sammiti, MDH Davlat rahbarlari kengashi majlisi, “Markaziy Osiyo — Rossiya” sammiti bo‘lib o‘tgandi.
Izoh (0)