Saida Mirziyoyeva 6-dekabr kuni Toshkentda bo‘lib o‘tgan zo‘ravonlikka qarshi kurashni institutsionalizatsiya qilish bo‘yicha xalqaro anjumanda zo‘ravonlikka qarshi kurashning barcha bosqichlarida to‘laqonli ishlaydigan mexanizmlarni yaratish zarurligi haqida gapirdi, deb xabar bermoqda “Daryo” muxbiri.
Uning aytishicha, oiladagi zo‘ravonlik faqat bir oilaning ichki ishi emas, bu muammo, mas’uliyat butun jamiyatga tegishli. Ayol o‘z dardi bilan yolg‘iz qolib ketmasligi kerak.
Jamiyatimizning aksariyat qismi an’analarni qonunlardan ustun qo‘yadi. Bizning zaif tomonimiz aynan shundadir.Anjumanda asosiy maqsad O‘zbekistonda zo‘ravonlikning oldini olish va unga qarshi kurashish bo‘yicha davlat organlari hamda fuqarolik jamiyati tashkilotlari faoliyatining natijalari muhokamasiga qaratildi.Yangi lavozimga kelishim bilanoq, avvalo, xotin-qizlar huquqlarini himoya qilishga oid qonunchilikni o‘rgana boshladim. Barcha qonunlarimiz tenglikka asoslangan, lekin biz zo‘ravonlikka nisbatan juda sabrlimiz. Menimcha, endilikda zo‘ravonlikning har qanday ko‘rinishiga ayollargina emas, birinchi navbatda davlatning o‘zi qarshi ekaniga urg‘u berishimiz lozim.
Voyaga yetmaganlar bilan jinsiy aloqa qilganlik uchun jazo choralarini kuchaytirish zarur. Bu borada bolalar va o‘smirlarni himoya qilishning aniq va qat’iy mexanizmlarini ishlab chiqish lozim. Oiladagi zo‘ravonlikni rosmana jinoyat deb baholash vaqti keldi. Zo‘ravonlikka qarshi kurashning barcha bosqichlarida to‘laqonli ishlaydigan mexanizmni yaratish zarur. Bu esa hamma tegishli idora va vazirliklar, shuningdek, nodavlat sektorlar hamda ommaviy axborot vositalarining birgalikdagi faoliyatini talab etadi”, — deydi Prezident administratsiyasi Ijro etuvchi apparatining Kommunikatsiyalar va axborot siyosati bo‘yicha sho‘ba mudiri Saida Mirziyoyeva.
Izoh (0)