Fransiya terma jamoasi hujumchisi Kilian Mbappe JCH—2022 nimchorak finali doirasida kechgan Polshaga qarshi o‘yinda (3:1) dubl qayd etdi.
Mbappe Qatar musobaqasidagi 5-golini urdi va to‘purarlar ro‘yxatida yetakchiga aylandi.
23 yoshli futbolchi Jahon Chempionatlaridagi gollari sonini 9 taga yetkazib oldi. 24 yoshga qadar hech qaysi futbolchi mundiallarda bu qadar ko‘p gol urolmagan. Avvalgi rekord Pelega tegishli bo‘lib, 24 yoshga qadar braziliyalik futbolchi 7 ta to‘p kiritgan.
Bunga qadar Jahon Chempionatida 8 ta gol urgan eng yosh o‘yinchi portugaliyalik Eysebio (24 yosh-u 182 kun) edi.
Mbappe JCH to‘purarlari ro‘yxatida Krishtianu Ronalduni (8) ortda qoldirdi va Lionel Messi (9) bilan tenglashib oldi. Ayni vaqtda faoliyatini davom ettirayotgan futbolchilardan faqat Tomas Myuller (10) undan oldinda. Umumiy reyting yetakchisi Miroslav Kloze (16) hisoblanadi.
Mavzuga doir: Olivye Jiru Fransiya terma jamoasi tarixidagi eng yaxshi to‘purarga aylandi
Izoh (0)