Samarqandda o‘quvchining onasi “zamdirektor”ni kaltakladi
Ijtimoiy tarmoqlarda Samarqandda maktab direktori o‘rinbosari kaltaklangani aytilgan xabarlar tarqalgandi. Holat yuzasidan viloyat ichki ishlar boshqarmasi matbuot kotibi ma’lumot berdi.
Aniqlanishicha, 17-noyabr kuni Toyloq tumanidagi 6-son umumta’lim maktabi o‘quvchisi — 2007-yilda M.D. dars vaqtida ruchkani sinfdoshiga qarata otgan. Ruchka uning sinfdoshi — 2007-yilda tug‘ilgan X.N.ning ko‘ziga tegib, jarohat yetkazgan.
O‘quvchi shifoxonaga olib borilib, unga tibbiy yordam ko‘rsatilgan. Mazkur holatdan xabar topgan voyaga yetmagan X.N.ning onasi — Toyloq tumani “Davlatobod” mahallasida yashovchi, 1982-yilda tug‘ilgan V.SH. umumta’lim maktabiga borib, maktab direktorining ma’naviy va ma’rifiy ishlar bo‘yicha o‘rinbosari bilan tortishib, qizining shu ahvolga tushishiga uni sababchi qilib ko‘rsatib, turli joylariga urib, jarohat yetkazgan.
Hozirda holat yuzasidan Toyloq tumani IIB tomonidan tergovga qadar tekshiruv harakatlari olib borilmoqda.
Mavzuga doir:
- Andijonda 7-sinf o‘quvchisi ustozini tepdi va haqorat qildi (video)
- Toshkentda chorak baho qo‘ymasligini aytgan o‘qituvchi kaltaklandi
- Sirdaryoda o‘qituvchi va maktab direktori o‘rinbosarini kaltaklagan shaxslarga 3 sutka qamoq jazosi tayinlandi
