1-dekabr kuni YXHT Vazirlar kengashining Polshadagi 29-yig‘ilishi doirasida O‘zbekiston tashqi ishlar vaziri Vladimir Norov Niderlandiya Qirolligi tashqi ishlar vaziri Vopke Xukstra bilan uchrashdi. Bu haqda TIV axborot xizmati xabar qildi.
Qayd etilishicha, suhbat avvalida tashqi idoralar rahbarlari O‘zbekiston bilan Niderlandiya o‘rtasida diplomatik munosabatlar o‘rnatilganining 30 yilligi (1992-yil 24-noyabr) munosabati bilan o‘zaro tabriklar almashgan.
O‘zaro tovar ayirboshlash hajmini oshirish, Niderlandiya kapitalini O‘zbekiston iqtisodiyotining turli tarmoqlariga jalb etish, qishloq xo‘jaligi, to‘qimachilik, farmatsevtika, IT va sun’iy intellekt sohalarida qo‘shma loyihalarni amalga oshirish yuzasidan aniq chora-tadbirlar tahlil qilingan.
Muzokaralarda mintaqaviy va xalqaro masalalar yuzasidan ham fikr almashilgan. Bu borada tomonlar Afg‘oniston bo‘yicha muloqotni davom ettirishdan manfaatdor ekanini tasdiqlagan.
Shuningdek, vazirlar parlamentlararo muloqotni mustahkamlash, madaniy-gumanitar va boshqa sohalardagi hamkorlikni faollashtirish masalalarini ham ko‘rib chiqqan.
Izoh (0)