5-dekabrdan Rossiya neftiga cheklovlar kuchga kirishi munosabati bilan Rossiya neftini tashish narxi keskin oshgan. Neft tankerlari egalari Rossiya neftini jo‘natishdan bosh tortmoqda. Uni ko‘tarishga tayyor bo‘lganlar tashish uchun tariflarni oshiradi. Bu haqda kema brokerlariga tayanib, Bloomberg xabar berdi.
Bloomberg ma’lumotlariga ko‘ra, Boltiq dengizi va Hindiston o‘rtasidagi yuk tashish narxi 5-dekabrdan keyin yuklangan taqdirda, taxminan 15 million dollarni (barreliga 20 dollar) tashkil qilishi mumkin. Agentlikning qayd etishicha, avvalroq ushbu yo‘nalish bo‘yicha tashish 9 million dollardan 11,5 million dollargacha bo‘lgan.
Neftni tashish mumkin bo‘lgan kemalar sonining kamayishi va energiya ta’minotini Osiyo va Yaqin Sharqqa yo‘naltirish zarurati ham stavkalarning oshishiga turtki bo‘ldi.
Agar Rossiyaning Urals neftining narxi pasaysa, yuk tashish tariflari o‘zgaradimi yoki yo‘qmi noma’lum, deya qo‘shimcha qildi Bloomberg.
5-dekabrdan boshlab Yevropa Ittifoqi sanksiyalari doirasida Rossiya nefti narxini cheklash kuchga kirishi kutilmoqda. Ittifoq mamlakatlari hali bir to‘xtamga kelgani yo‘q.
Izoh (0)