Dam olish kunlari sovuq antisiklon ta’siri saqlanib turadi, deb xabar bermoqda “O‘zgidromet”.

Ma’lum qilinishicha, 1-dekabrdan G‘arbiy Qozog‘iston orqali Ural hududlari ustida shakllangan sovuq havo massasi kirib keldi. Keyingi kunlarda sovuq havoning kirib kelishi respublikaning barcha hududlariga tarqaladi.

Juma kuni O‘zbekiston bo‘yicha yog‘ingarchilik kutilmaydi, faqat tog‘oldi va tog‘li hududlarda asosan qor ko‘rinishidagi yog‘ingarchilik bo‘ladi. Respublikaning eng janubiy qismining ba’zi joylarida biroz yomg‘ir yog‘ishi mumkin. Kunduzi havo harorati 0-5 daraja iliq, shimolda 2-5 daraja sovuq atrofida bo‘ladi.

Sovuq antisiklon ta’siri dam olish kunlari ham saqlanib turadi. Havo harorati kechalari 2-7  daraja sovuq, kunduz kunlari 0-5 daraja iliq, shimolda kechalari 10-13 daraja sovuq, ba’zi joylarda 15-17 darajagacha sovuq, kunduz kunlari esa 2-7 daraja sovuq atrofida bo‘ladi.

Respublikaning barcha hududlarida kuchsiz shamol bilan quruq ob-havo bo‘lishi kutilmoqda.

Mavzuga doir: “O‘zgidromet” dekabr oyida qanday ob-havo kutilayotganini ma’lum qildi